نهضرو شوية؟؟؟
كي كتجيكم الجملة ديال ” انا بعدا قدرت نديرها،ساهلة.. لاش نتا لا؟تغلبتي؟..بيزاغ”
ولا داك تللي كيقوليك ” نفس الشي اللي طراليك ولكن انا…”
اش انقوليكم
كنكره هاد الجمل ديال الي واخدين فراصهم عندهم قوة خارقة عليك .
بالعربية الا نتا وصلتي ولا ما تغلبتيش ولا قطعتي البحر و نشفو رجليك ما سوقيش فطاسيلتك.
يمكن نتا وعر مني و لا نتا يمكن كتصبر عليا.
ولا مزهار عليا
ولا ما عندكش مشاكيلي النفسية و الجسدية…ولا ربي ما ابتلاكش.
ما كنقولش فيا هاد الشيء ولكن بنادم كيحكم عليك فرمشت عين بلي اللي عاشو هوا احسن، ولا كفس ولا صعب منك و هوا سلك راصو.
كنكره اللي تتشكيليه شي حاجة..و اصلا ما كيسمعش ليك ..كيساين غا تسكت.. و هو فدماغو ااااصلا كيقلب كي يبدا يزرب عليك و يتفلعص…..
والموصيبة تتشكي غير حيت هوا سولك…ماشي تا نقولو باغي تنكد عليه فرحتو ولا تلاحيتي عليه بهمك وا هووا كيسولك …لا لا و الزوينة كيبدا يتخيل راصو بلاصتك و يقوليك ” كون انا كون…” ولا ” انا طراتلي ولكن….” بلا ما كطلب تا رأي ديالو،،،حيت عارف ماغاداش ينصحك ….هوا جاتو فرصة فين يبان نزق عليك و سدااات.
امتى غادا نحيدو منا هاد النزوقية و كترت الفهامة فكلشي…ولاش تقارن راسك و حالتي بحالتك.
امتى نتعلمو نسمعو و نصحو بلا منقارنو تجربتنا بلاخر ولا نسكتو حتى يطلب منا الشخص النصيحة..! نقولو نتا طراليك كفس مني ما عنديش انا حق نتقلق فهادشي الل انا طاري ليا واخا بسيط؟
ضروووووري انا نكون كفس باش نبان بصح مقصحة!!!!
راه كاين اللي تخربيقة بسيطة تتقلب ليه حياتو سفلها اعلاها…..راه كولا و كي خلقو ربي و كلا و صبرو، هادا لاش ربي فرق الريوووص…
ما عرفتش واش نتوما بحالي فشي ناس غا تتعرفوهم ماشي تا صحابكم ولا عائلتكم.
سبحان الله واحد الوقيتة كنت الصحاب عندي بلا عدد….و بداو غادين و ينقصو و دابا شوية و ايبدى راصي خصني نقص منو عليا ?.
و أُمنيتي ولات هيا شي حد تشكي عليه بلا ما يقوليك تا انا…..ولا غا يسول فيك بلا ما يجبد حس التعاسة و الحزن و النحس.
حنا اون جينيغال لا كاين شي شكوى و بكى و نعى حاااااضرين …..ولكن باش نفرحو ولا غا نسولو ولا غا نسمعو لداك السيد آش عندو بلاااا تعليق….والو يجيب الله.
شكون عندو هاد البوكيمونات فحياتو؟؟؟ ?
الحاصول
السلاك
#ياخزيت
